नेपालगन्ज । नेपालगन्ज उपमहानगरपालिका-१७ परस्पुर बस्ने २३ वर्षीय शत्रुहन रैदासको कुटपिट गरी हत्या गरेको अभियोगमा रैदासकै ससुरा सहित ५ जनालाई बाँके प्रहरीले पक्राउ गरेको छ ।
पक्राउ पर्नेमा शत्रुहनका ससुरा नेपालगन्ज उपमहानगरपालिका-२० नटनपुरुवाका नरेश चमार सहित अन्य ५ जना छन् । प्रहरीले चमार बाहेक अन्यको नाम खुलाएको छैन ।
माईत गएकी श्रीमती लिन ससुराली पुगेका रैदासलाई ससुरा नरेशले शुक्रबार साँझ कुटपिट गरी घाईते बनाएको र घाईते रैदासलाई कन्डाई वृक्ष नामक फल पानीमा घोली खुवाएर थप उपचारका लागि नर्सिंङहोम नेपालगंजमा पु-याएका थिए । नर्सिङहोममै उपचारको क्रममा रैदासको मृत्यु भएको थियो ।
रैदासको मृत्यु सम्बन्धमा थप अनुसन्धान सुरु गरिएको प्रहरीले जनाएको छ ।
प्रतिक्रिया