कावासोती । गण्डकी प्रदेशमा बिहीबार बिहान थप २३ जना कोरोना संक्रमित थपिएका छन् ।
थपिएका मध्ये सबैभन्दा धेरै पूर्वी नवलपरासीका छन् । गण्डकी प्रदेश स्वास्थ्य निर्देशनालयले जारी गरेको पछिल्लो तथ्यांकअनुसार पूर्वी नवलपरासीमा १२ जना संक्रमित थपिएका हुन् ।
चितवन मेडिकल कलेज भरतपुरमा गरिएको परीक्षणका क्रममा थप १२ जनामा कोरोना पुष्टि भएको प्रदेश स्वास्थ्य निर्देशनालयले जनाएको छ ।
पूर्वी नवलपरासीमा थपिएका संक्रमित सबैभन्दा धेरै गैडाकोट नगरपालिकाका रहेका छन । गैडाकोट नगरपालिका वडा नं १, २, ४, ८, १० र १३ का गरी ७ जनामा कोरोना पुष्टि भएको छ ।
त्यसैगरी जिल्लाकै मध्यविन्दुु र देवचुली नगरपालिकामा २/२ जनामा संक्रमण देखिएको छ । त्यस्तै कावासोती नगरपालिकाका १ जनामा पनि संक्रमण पुष्टि भएको छ ।
चितवन मेडिकल कलेजमै गरिएको परीक्षणमा तनहुँ आबुँखैरेनीका १ जनामा पनि संक्रमण पुष्टि भएको छ ।
यसैगरी पोखरास्थित क्षयरोग उपचार केन्द्र पोखरामा गरिएको परीक्षणमा पोखरा महानगरपालिकाका ४ जना, बागलुङका ४ जना र गोरखाका २ जनामा संक्रमण पुष्टित भएको छ ।
बागलुङको बागलुङ नगारपालिका वडा नं. ६,१० र १३ का ३ जना र तमानखोला १ का १ जनामा संक्रमण पुष्टि भएको छ । यस्तै, गोरखाको अजिरकोट र बारपाक सुलिकोटका एक एक जना रहेका छन् ।
यससँगै गण्डकीमा कूल संक्रमितको संख्या ३ हजार २ सय १ पुगेको छ ।
प्रतिक्रिया