बुटवल । बुटवलबाट सञ्चालनमा रहेको अनलाईन पत्रिका ग्लोबल आवाजको कार्यालयमा अज्ञात ब्यक्तिले आक्रमण गरेका छन् । मध्यराती बुटवल ११ मा रहेको कार्यालयको समाचार शाखामा अज्ञात ब्यक्तिले ढुगा प्रहार गरि आक्रमण गरेका हुन् ।
ग्लोबल सञ्चार गृहले सञ्चालन गरेको ग्लोबल आवाज डटकमको समाचार कक्षमा प्रहार भएको ढुंगा सिसा फोडेर कार्यालय भित्र पुगेको छ । तेस्रो तलामा रहेको कार्यालयमा ठुलै ढुंगा प्रहार भएको र नियोजित प्रहार भएको अनलाईनका सम्पादक एनबी कंडेलले बताए ।
घटना प्रति नेपाल पत्रकार महासंघ रुपन्देहीका उपाध्यक्ष दिनेश पाण्डेले खेद ब्यक्त गरेका छन् । उनले बीच बजारमा रहेको सञ्चारगृहमा आक्रमण हुनु सामान्य बिषय नभएको बताए । घटनाको छानवीन गरि कारवाहीको दायरामा ल्याउन उपाध्यक्ष पाण्डेले माग गरे ।
घटनाको प्रहरीले अनुसन्धान थालेको जनाएको छ ।
प्रतिक्रिया