काठमाडौं । नेपाल टेलिकमले संविधान दिवसको अवसर पारेर सामाजिक सञ्जाल युट्युव र फेसबुकका लागि आकर्षक अफर सार्वजनिक गरेको छ ।
संविधान दिवसको अवसर पारेर टेलिकमले असोज २, ३ र ४ गतेका लागि अनलिमिटेड युट्युव, अनलिमिटेड फेसबुक र ‘एड–अन प्याक’ उपलब्ध गराउने भएको हो ।
प्रयोगकर्ताले तीन दिनका लागि फेसबुक र युट्युवका लागि ५५ रुपैयाँमा छुटछुट्टै अफर खरिद गरी प्रयोग गर्न सक्ने टेलिकमले जनाएको छ ।
साथै, अनलिमिटेड युट्युब र अनलिमिटेड फेसबुक प्याकमध्ये कुनै एक प्याक खरिद गर्ने ग्राहकले ‘एड–अन प्याक’को रुपमा १५ रुपैयाँ मा १ जीबी डाटाप्याक खरिद गरी डाटा प्रयोग गर्न सकिने सुविधा समेत उपलब्ध हुने टेलिकमले जनाएको छ । यो प्याक पनि खरिद गरेको मितिबाट ३ दिनसम्म प्रयोग गर्न सकिनेछ ।
हाल समर अफर अन्तर्गत २८ दिनको समयावधि हुने १ जीबी पर डे डाटाप्याक ८५० रुपैयाँमा उपलब्ध भइरहेकोमा संविधान दिवसको अवसरमा यसमा ३४.७ प्रतिशतको भारी छुट समेत प्रदान गरिएको छ । जसअनुसार यो प्याक २०७७ असोज २, ३ र ४ गते जम्मा ५५५ रुपैयामा मात्रै उपलब्ध हुनेछ ।
संविधानदिवसका अवसरमा उपलब्ध गरिएका यी अफरहरु८ज्ञद्धज्ञछ८ज्ञज्ञ३ डायल गरी प्राप्त गर्न सकिनेछन् ।
साथै, ग्राहकवर्गको सहजताका लागि ‘नेपाल टेलिकम एप’बाट समेत यी प्याकहरु खरिद गर्न सकिने व्यवस्था गरिएको टेलिकमले जनाएको छ ।
प्रतिक्रिया