काठमाडौं । पछिल्लो केही दिन यता काठमाडौं उपत्यका कोरोना भाइरसको हटस्पट बनिरहेको छ । उपत्यकामा दिनदिनै संक्रमितहरु बढिरहेका छन् ।
२४ घण्टामा देशभर थपिएका संक्रमितको कुल संख्यामध्ये आधा भन्दा बढी काठमाडौं उपत्यकामै थपिएका छन् ।
उपत्यकाभित्र पनि काठमाडौं जिल्ला र काठमाडौं जिल्ला भित्र पनि काठमाडौं महानगरपालिकाको कोरोना पारो ह्वात्तै बढेको छ ।
सोमबार उपत्यकामा ६ सय ७४ जना संक्रमित थपिएका छन् । देशभर ११ सय ५४ संक्रमित थपिँदा उपत्यकामा ६७४ संक्रमित थपिएका हुन ।
जसमध्ये काठमाडौंमा ५३८, भक्तपुरमा ७४ र ललितपुरमा ६२ जनामा कोरोना संक्रमण देखिएको मन्त्रालयले जनाएको छ ।
प्रतिक्रिया