नेपालगन्ज । भेरी अस्पताल नेपालगन्जका मेडिकल सुपरिटेन्डेन्ट डाक्टर प्रकाश थापालाई कोरोना संक्रमण पुष्टि भएको छ ।
कोरोना नियन्त्रण तथा रोकथाम अभियानको अग्रपंक्तिमा रहेर सेवा दिंदै आएका डा. थापालाई मंगलबार आएको पीसीआर रिपोर्टमा कोरोना संक्रमण पुष्टि भएको डा. थापा स्वयंले बताएका छन् ।
डा. थापालाई कोरोना संक्रमणसंग मिल्दो शरीर थकित हुने, ज्वरो आउने भएपछि कोरोनाको आशंकामा उनको स्वाव निकालिएको थियो । भेरी अस्पतालको पीसीआर प्रयोगशालाको परिक्षणमा मंगलबार आएको नतिजामा आफुलाई कोरोना पोजेटिभ देखिएको डाक्टर थापाले बताए ।
डा. थापा संगै भेरीमा कार्यरत करिब एकदर्जन विशेष चिकित्सक सहित भेरीमै कार्यरत दुई दर्जनबढी स्वास्थ्यकर्मीपनि यसअघि कोरोना संक्रमण पुष्टि भइसकेको छ भने संक्रमित अधिकांश चिकित्सक तथा स्वास्थ्यकर्मीहरु निको भएर काममा फर्किसकेका छन ।
प्रतिक्रिया