काठमाडौं । स्वास्थ्य तथा जनसंख्या मन्त्रालयले पुनः लकडाउनको संकेत गरेको छ ।
मन्त्रालयलले आयोजना गरेको नियमित कोरोना ब्रिफिङमा प्रवक्ता प्राडा जागेश्वर गौतमले पुनः देशव्यापी लकडाउन गर्नुपर्ने अवस्था आउन लागेको जनाएका छन् ।
प्रवक्ता गौतमका अनुसार सक्रिय संक्रमित २५ हजार नाघेमा स्वास्थ्य मन्त्रालयको इन्सिडेन्ट कमाण्ड सिस्टमले लकडाउन लगाउनुपर्ने निस्कर्ष निकालेको जानकारी दिए ।
आज सक्रिय संक्रमितको संखया १७ हजार ४१४ रहेको छ । अर्थात, थप ७ हजार ५८६ जना सक्रिय संक्रमित थपिए देशव्यापी लकडाउन लागु हुनेछ ।
प्रवक्ता गौतमले भने, ‘२५ हजार भन्दा बढी सक्रिय संक्रमित बढे स्वास्थ्य सेवा दिनका लागि समस्या उत्पन्न हुनेछ । संक्रमितहरु बढे अस्पतालको पूर्वाधारमा व्यवस्थापन गर्न गाह्रो हुन्छ ।’
इन्सिडेन्ट कमाण्ड सिस्टमको बैठकले जनस्वाथ्य मापदण्ड पालना गर्न नसक्ने व्यवसायलाई थप एक महिना बन्द गर्न सिफारिस गरेको छ ।
प्रतिक्रिया