स्याङ्जा । स्याङ्जाको विभिन्न स्थानमा पहिरो जाँदा दुई जनाको मृत्य भएको छ भने आठ जना बेपत्ता भएका छन् ।
स्याङजाको कालीगण्डकी गाउँपालिका वडा नं ४ गौतम डाँडास्थित बस्ने बाबुराम दमाईको छोरा १६ वर्षीय बिष्णु दमाईको पहिरोमा पुरीएर मृत्यु भएको छ ।
बिहीबार बिहान अन्दाजी ०२:५० बजेको समयमा बाबुराम दमाई र जगत बहादुर दमाईको घर भन्दा १०/१५ मिटर माथिबाट पहिरो झर्दा दुवैको घर पुर्ण रुपमा क्षति भएको जिल्ला प्रहरी कार्यालय स्याङ्जाका प्रवक्ता प्रहरी नायव उपरीक्षक राजेन्द्र प्रसाद अधिकारीले जानकारी दिए ।
घर भित्र रहेका बाबुराम दमाईको छोरा १६ वर्षीय बिष्णु दमाई ०५:३० बजे मृत अवस्थामा फेला परेको अधिकारीले बताए ।
त्यस्तै स्याङ्जाको वालिङ नगरपालिका वडा नं १४ तमादि बस्ने माया नेपालीको घरमाथिबाट पहिरो झरी घर र गोठ पुरिँदा बिहान ६ बजे १ जनाको मृत्यु भएको अधिकारीले बताए ।
पहिरोमा १ जनाको जिवितै उद्दार गरी उपचारको लागी प्राथमिक स्वास्थ्य केन्द्र वालिङ तर्फ पठाएको र उनको अवस्था चिन्ताजनक अधिकारीले जानकारी दिए ।
उक्त घरमा १० जनाको परिवार रहेको भन्ने बुझिएको र अहिले वालिङ प्रहरी कार्यालय वालिङबाट प्रहरी निरिक्षक हरी प्रसाद पौडेलको कमाण्डमा नगरपालिकाको डोजर सहित उक्त स्थानमा खटि बेपत्ता हुनेको खोजी कार्य भईरहेको अधिकारीले बताए ।
प्रतिक्रिया