एकपटक प्रयोग कण्डम डिस्पोज गर्नुपर्ने हो नि ! तर, भियतनाममा यस्तो गिरोह छ, जसले एकपटक प्रयाग भैसकेका कण्डम संकलन गरेर गैरकानुनी बिक्रि गर्ने धन्दा गर्छ ।
भियतनाम प्रहरीले प्रयोग भैसकेका तर पुनः बिक्रिमा राखिएका ठूलो परिणाममा कण्डम हालसालै बरामद गरेको छ ।
सर्वसाधारण ग्राहकलाई वेच्न राखिएका झण्डै ३ लाख २० हजार त्यस्ता कण्डम प्रहरीले बरामद गरेको भियतनामका सञ्चारमाध्यमले जनाएका छन् ।
दक्षिण भियतानमा अवस्थित बन द्युङ्ग प्रान्तस्थित एउटा गोदाममा छापा मार्दा फेला प्रहरीले ती कण्डम फेला परेको हो । प्रहरीले सो गोदामको मालिक भनिएकी एक महिलालाई पनि पक्राउ गरेको छ ।
भियतनाम प्रहरीका अनुसार प्रयोगमा आइसकेका ती कण्डमलाई पखालेर लिङ्ग आकारको काठ प्रयोग गरी नयाँ जस्तै बनाइएको थियो । त्यस्ता कण्डमलाई पुनः प्याकिङ गरेर बजारमा वेच्ने गरिएको बताइएको छ ।
पक्राउ परेकी महिलाले त्यस्तो कन्डम प्रतिकिलो १७ अमेरिकी सेन्टमा आफुले किन्ने गरेको बताएको भियतनामको सरकारी सञ्चारमाध्यम भीटीभीले जनाएको छ ।
अहिलेसम्म त्यस्ता कण्डम कति परिणाममा बजारमा बेचियो भन्ने स्पष्ट हुन सकेको छैन। -एजेन्सी
प्रतिक्रिया