नेपालगन्ज । बाँकेमा शनिबार ५० जना कोरोना संक्रमित डिस्चार्ज हुन लागेका छन् ।
जिल्ला कोभिड १९ संकट व्यवस्थापन केन्द्र बाँकेले शनिबार बिहान जारी गरेको सूचनाअनुसार विभिन्न आइसोलेसन केन्द्रमा रहेका ५० जना कोरोना संक्रमित निको भएर घर फर्किन लागेका हुन् ।
जिल्लामा हालसम्म १ हजार ७ सय ६४ जना कोरोना संक्रमित पुगेका छन् । जसमध्ये १ हजार ४ सय ११ जना डिस्चार्ज भएका छन् ।
हालसम्म १२ जनाको मृत्यु भएको छ । अझै पनि विभिन्न आइसोलेसनमा ३५८ जना बिरामी रहेको संकट व्यवस्थापन केन्द्रले जनाएको छ ।
बाँकेमा कोरोना संक्रमणबाट मुक्त हुने दर ७९ दशमलव ५४ प्रतिशत रहेको छ । मृत्यु दर ० दशमलव ६८ प्रतिशत रहेको छ ।
यसैगरी रोगको प्रकोप दर ० दशमलवल २९ प्रतिशत रहेको छ ।
प्रतिक्रिया