काठमाडौं । दुबई अन्तर्राष्ट्रिय विमानस्थलमा ड्रोनसँग सम्बन्धित एक घटनापछि उडानहरू अस्थायी रूपमा स्थगित गरिएको छ । विश्वकै व्यस्त विमानस्थलमध्ये एक मानिने उक्त विमानस्थलमा सुरक्षा सतर्कता अपनाउँदै यो निर्णय लिइएको हो ।
अधिकारीहरूका अनुसार विमानस्थल परिसरमा रहेको एक इन्धन ट्याङ्कीमा ड्रोनका कारण आगलागी भएपछि सुरक्षा जोखिमलाई ध्यानमा राख्दै उडानहरू रोकिएको हो ।
विमानस्थल प्रशासनले एक विज्ञप्ति जारी गर्दै यात्रु र कर्मचारीहरूको सुरक्षा सुनिश्चित गर्नका लागि सावधानीस्वरूप उडान स्थगित गरिएको जनाएको छ । हाल अग्नि नियन्त्रणकर्मी तथा सुरक्षाकर्मीहरूले आगलागी नियन्त्रणमा लिन प्रयास गरिरहेका छन् ।
उडान स्थगित भएपछि हजारौँ यात्रु प्रभावित भएका छन् । विमानस्थल प्रशासनले यात्रुहरूलाई आफ्नो उडानको पछिल्लो अवस्थाबारे जानकारी लिन सम्बन्धित एयरलाइन्ससँग सम्पर्क गर्न आग्रह गरेको छ ।
अधिकारीहरूले घटनाबारे थप अनुसन्धान भइरहेको जनाएका छन् ।
प्रतिक्रिया