महेन्द्रनगर । कन्चनपुर प्रहरीले ठूलो परिमाणमा सालको अबैध काठ बरामद गरेको छ ।
प्रदेश प्रहरीको अपराध अनुसन्धान समूह र जिल्ला प्रहरी कार्यालय कन्चनपुरको संयुक्त टोलीले कञ्चनपुर लालझाडी गाउपालिका वडा न.४ देखतभुली पर्सियाबाट अबैध काठ बरामद गरेको हो ।
प्रहरीले देखतभुली पर्सियाका प्रदिप रानाले सञ्चालन गरेको आरामिलबाट अबैध रुपमा लुकाई छिपाई राखेको अबस्थामा सालको कडी, ढोकाको चौखुट,झ्याल,ढोका,गोलिया,भ्यान्टीलेशन समेत गरी जम्मा २३५ थान, अन्दाजी ६० क्युफिट अबैध काठ बरामद गरेको कन्चनपुर प्रहरीले जनाएको छ ।
प्रहरीले बरामद गरेको काठ र काठ सहित पक्राउ परेका रानालाई आवश्यक कारवाहीको लागि डिभिजन बन कार्यालय कञ्चनपुर बुझाएको जिल्ला प्रहरी कार्यालय कन्चनपुरका प्रवक्ता नायव प्रहरी उपरिक्षक अमरबहादुर थापाले जानकारी दिएका छन् ।
प्रतिक्रिया