नेपालगन्ज । बाँकेमा बिहिबार बिहान २ जना कोरोना संक्रमतिको मृत्यु भएको खबर सार्वजानिक भएको ४ घण्टा नबित्दै थप १ जनाको मृत्यु भएको छ ।
स्वास्थ्य कार्यालय बाँकेले दिएको जानकारी अनुसार बाँकेमा उपचाररत खजुरा गाँउपालिका वार्ड नम्बर ३ का ५९ वर्षिय अर्थोपेडिक चिकित्सक पुरुषको मृत्यु भएको हो । भाद्र २९ गते कोरोना संक्रमण पुष्टि भएको उनी असोज १ गते भेरी अस्पताल नेपालगन्ज भर्ना भएका थिए । उनको सुर्खेत स्थित पीसीआर प्रयोगशालामा कोरोना संक्रमण पुष्टि भएको थियो ।
बाँकेको खजुरा गाउँपालिका वडा नं. ३ का ५९ वर्षीय वरिष्ठ कन्सल्टेन्ट अर्थोपेडिक सर्जन डा. हरि सापकोटाको मृत्यु भएको सापकोटाका पारिवारिक सदस्यले पुष्टि गरेका छन् । उनी ११ औं तहका चिकित्सक थिए ।
मृतकको उपचारका क्रममा प्लाज्मा थेरापी, एन्टिबायोटिक तथा रेम्डिसिभिर प्रयोग गर्दा समेत उनलाई बचाउन नसकिएको अस्पतालले जनाएको छ । उनको आज अपरान्ह ३ः१० मा मृत्यु भएको स्वास्थ्य कार्यालय बाँकेका कोरोना फोकल पर्शन नरेश श्रेष्ठले जानकारी दिए ।
उनी नेपाल सरकारका अर्थोपेडिक सर्जनकारुपमा कर्णाली प्रदेश अस्पतालमा कार्यरत चिकित्सक रहेको स्वास्थ्य कार्यालयले जनाएको छ ।
बाँकेमा कोरोना संक्रमणबाट मृत्यु हुने पहिलो चिकित्सक हुन् । उनको मृत्युसँगै बाँकेमा मृत्यु हुनेको संख्या १८ पुगेको छ ।
प्रतिक्रिया