बाँकेमा २५ वर्षिया कोरोना संक्रमित महिलाको मृत्यु

नेपालगन्ज । बाँकेमा शुक्रबार फेरि एक जना कोरोना संक्रमित महिलाको मृत्यु भएको छ । कैलालीको धनगढी स्थायी ठेगाना भएर बिगत १ वर्ष देखि नेपालगन्ज ९ मा बस्दै आएकी २५ वर्षिय महिलाको शुक्रबार निधन भएको स्वास्थ्य कार्यालय बाँकेले जनाएको छ ।

गत भाद्र ३० गते कोरोना संक्रमण पुष्टि भएकी महिलाको ३० गते मध्यान्हबाट नै भेरी अस्पतालमा भर्ना भई उपचारत भईरहेको थियो । उपचारका क्रममा एन्टिबायोटिक, रम्डिीसिबिर, प्लाज्मा थेरापी जस्ता बिधि प्रयोग गर्दा समेत उनको निधन भएको स्वास्थ्य कायर्उालय बाँकेका कोरोना फोकलपर्शन नरेश श्रेष्ठले जानकारी दिए । उनको शुक्रबार साँझ ४ः४५ बजे निधन भएको थियो ।

मृतक महिला नेपालगन्ज स्थित निदान डाइग्नोशिसको लेखाशाखमा कार्यरत रहेकी फोकलपर्शन श्रेष्ठले बताए ।

बाँकेमा शुक्रबार भएको मृत्युसंगै कोरोना संक्रमितको मृत्यु हुनेको संख्या १९ पुगेको छ ।