नेकपा सचिवालय बैठक स्थगित

काठमाडौं । आज शनिबार अपरान्ह ४ बजे बस्ने भनिएको सत्तारुढ नेपाल कम्युनिष्ट पार्टी नेकपाको सचिवालय बैठक स्थगित भएको छ ।

पछिल्ला दिनमा सरकारले गरेको राजनीतिक नियुक्ति, मन्त्रिपरिषद् पुनर्गठन लगायतका विषयमा छलफल गर्न बोलाइएको बैठक स्थगित भएको हो ।

अध्यक्षद्वय केपी शर्मा ओली र पुष्पकमल दाहालको सल्लाहपछि बैठक स्थगित भएको छ । अब बैठक भोलि बस्ने बताइएको छ ।

विशेषगरी अमेरिकाका र बेलायतका राजदूत सिफारिसमा प्रधानमन्त्रीले पार्टीसँग सल्लाह नगरी एकलौटी गरेको भन्दै नेताहरुले असन्तुष्टि जनाएपछि बैठक बोलाइएको थियो ।