काठमाडौं । म्याद सकिएको सामान बेच्ने अर्को एक गोदाममा प्रहरीले छापा मारेको छ ।
महानगरीय प्रहरी वृत्त, कालिमाटीले कलंकीस्थित एक घरमा रहेको गोदाममा छापा मारेर एएसटी प्रालि नामको कम्पनीले राखेका म्याद सकिएका सामानहरु बरामद गरेको छ ।
उक्त घरमा ठूलो परिणाममा चकलेट, केकमा राख्ने चेरी, पिठोलगायत म्याद सकिएका सामानहरु राखिएको थियो ।
ती सामानलाई नयाँ उपभोग्य मिति राखेर पुनः बजारमा वेच्नका लागि रिलेबलिङ गर्ने गरिएको प्रहरीले जनाएको छ । ‘चकलेट, बेकरी आइटम, पाउरोटी, पिठो, चेरीलगायतका म्याद सकिएका सामानहरुमा नयाँ मिति राखेर बेच्ने गरिएको रहेछ’, प्रहरी नायब उपरीक्षक अपिलराज बोहराले जानकारी दिए।
सामान बरामद गरिएपनि कसैलाई पक्राउ नगरिएको बोहोराले बताए । यसअघि गत बिहीबार पनि म्याद सकिएका सामानमा नयाँ मिटि राख्ने गरेको अर्को गोदाममा प्रहरीले छापा मारेको थियो ।
प्रतिक्रिया