काठमाडौं । नेपालमा सोमबार कोरोना भाइरसका २४सय ४० जना संक्रमित थपिएका छन् ।
१३ हजार ७८१ पीसीआर परीक्षणमा २४सय ४० जना संक्रमित थपिएको स्वास्थ्य तथा जनसंख्या मन्त्रालयका प्रवक्ता प्राडा जागेश्वर गौतमले जानकारी दिए ।
यसँगै हालसम्म संक्रमित हुनेको संख्या ८९ हजार २६३ हो । नेपालले कोरोना संक्रमण सुरु भएको देश चीनलाई कोरोना संक्रमणमा आइतबार नै उछिनिसकेको छ ।
आज देशभर २३ हजार ५०७ जना सक्रिय संक्रमित रहेका छन् । जसमध्ये संस्थागत आइसोलेसनमा ११ हजार १९१ जना र होम आइसोलेसनमा १२ हजा ३१६ जना रहेका छन् ।
पछिल्लो २४ घण्टामा देशभर ११ सय ३३ जना संक्रमित संक्रमण मुक्त भएर घर फर्किएका छन् । हालसम्म संक्रमण मुक्त हुनेको संख्या ६५ हजार २०२ रहेका छन् ।
प्रतिक्रिया