३१ जेष्ठ २०८१, बिहिबार | June 14, 2024

सरकारी प्रस्तावको विपक्षमा मतदान गर्न काँग्रेसको ह्वीप, दाङका सांसदले ह्वीप उल्लंघन गर्ने प्रमुख सचेतक हमालको खुलासा



बुटवल । प्रदेश ५ प्रदेशसभामा प्रमुख विपक्षीदल नेपाली काँग्रेसको संसदीयदलले प्रदेश सरकारले राजधानीका बिषयमा संसदमा पेश गरेको प्रस्तावको विपक्षमा मतदान गर्न सांसदहरुलाई ह्वीप जारी गरेको छ ।

आज बिहान काँग्रेस संसदीयदल कार्यालयमा बसेको दलको बैठकले सरकारले प्रस्ताव गरेको दाङको भालुवाङमा स्थायी राजधानी तोक्ने प्रस्तावको विपक्षमा मतदान गर्ने ह्वीप जारी गरेको हो ।
पार्टीले ह्वीप जारी गरेपछि काँग्रेस सांसदहरु अलमलमा परेका छन् । दाङ, बाँके र बर्दियाबाट प्रतिनिधित्व गर्ने सांसदहरुले पार्टीको ह्वीपले अन्यौल बनाएको बताएका छन् ।

संसदीयदलमा काँग्रेसका मुख्य सचेतक सुरेन्द्र हमालले दाङबाट प्रतिनिधित्व गर्ने सांसदले ह्वीप नमान्ने निर्णय गरेको खबरकुरालाई जानकारी दिएका छन् ।

बाँके र बर्दियाका सांसदहरुले पनि बैकल्पिक बाटो खोज्दै गरेको बताउँदै सचेतक हमालले अनुपस्थित हुने की, पक्षमा मत हाल्ने की भन्ने बिषयमा छलफल भैरहेको बताए ।

प्रदेश ५ प्रदेश सभामा नेपाली काँग्रेसका १९ जना सांसद छन् । जसमध्ये १३ जना साविक लुम्बिनी अञ्चलका छन् भने ६ जना साविक राप्ती र भेरी अञ्चलबाट रहेका छन् ।

यस्तो छ अंक गणित :

प्रदेश ५ को प्रदेश सभामा कुल ८७ जना सांसद छन् । यस अवस्थामा सरकारले पेश गरेको प्रस्ताव दुई तिहाईले पारित हुन् कुल ५८ मत चाहिन्छ ।

प्रदेश सभामा सत्तारुढ नेकपाका ६१ सांसद छन् भने नेपाली काँग्रेसका १९, जनता समाजवादी पार्टीका ६ जना र राष्ट्रिय जनमोर्चाका १ जना सांसद छन् ।

सरकारको प्रस्तावलाई सत्तारुढ दल नेकपाका सबै सांसदले समर्थन गरेमा मात्र पनि राजधानी सार्ने प्रस्ताव सजिलै पारित हुन सक्छ । तर, रुपन्देही जिल्लासहित आसपासका जिल्लाका १४ सांसदले संसदीय दलमा नै फरक मत दर्ज गरेर विपक्षमा उभिने संकेत गरिसकेका छन् । उनीहरुलाई भेगीय हिसावले राजधानी सार्ने प्रस्तावको विपक्षमा मतदान गर्न जन दबाब पनि रहेको छ ।

१४ जनाले विपक्षमा मतदान गरेमा नेकपासँग ४७ मत मात्र रहन्छ । यस अवस्थामा सरकारलाई आफ्नो प्रस्ताव पारित गराउन थप ११ मत आवश्यक पर्दछ ।

अब नेपाली काँग्रेसका १९ जना सांसदमध्ये १३ जना साविक लुम्बिनी अञ्चलका छन् भने ६ जना साविक राप्ती र भेरी अञ्चलबाट रहेका छन् । काँग्रेसका ६ जना सांसद थपिँदा प्रस्तावको पक्षमा ५३ मत हुन्छ, जसबाट पनि प्रस्ताव पारित गर्न आवश्यक दुई तिहाई मत पुग्दैन ।

त्यस्तै समाजवादी जनता पार्टीको तर्फबाट बाँके र बर्दियाका गरी २ सांसद र राष्ट्रिय जनमोर्चाको प्युठानका एक सांसदले प्रस्तावको पक्षमा मत दिएमा ५६ मत हुन्छ । यसबाट पनि राजधानी सार्ने प्रस्तावको पक्षमा दुइतिहाई पुर्‍याउन २ अझै नपुग्ने देखिन्छ ।

यस अवस्थामा कपिलवस्तुका तर्फबाट काँग्रेसका ५ जना सांसद मध्ये २ जनाले पक्षमा मतदान गरेमा राजधानी सार्ने प्रस्ताव पारित हुने अवस्था भने आउन सक्छ ।

प्रकाशित मिति : २० आश्विन २०७७, मंगलबार  ९ : २१ बजे

बुटवलमा दृष्टीबिहिनका लागि १५ दिने ब्रेल लिपी सिप विकास तालिम

बुटवल । बुटवलमा दृष्टी बिहिनहरुका लागि ब्रेली लिपी (गोपेर लेख्ने

जीवनस्तर सर्वेक्षण प्रतिवेदन सार्वजनिक, २० दशमलव २७ प्रतिशत जनसङ्ख्या अझै गरिबीको रेखामुनि

काठमाडौं । नेपाल जीवनस्तर सर्वेक्षण चौथो २०७९/८० को विस्तृत प्रतिवेदन

जिल्ला न्यायाधीशको आवश्यकता- ४३, लिखित परीक्षामा उत्तीर्ण जम्मा आठ जना

काठमाडौं । न्याय सेवा आयोगले जिल्ला न्यायाधीशका लागि लिएको लिखित

माटोको ढिस्कोले पुरिएर दुईको मृत्यु, एक बेपत्ता

नवलपुर । नवलपरासी (बर्दघाट सुस्तापूर्व) कावासोतीमा नाला निर्माणका लागि खाल्डो

लुम्बिनी प्रादेशिक अस्पतालमा असार १ गतेदेखि अनलाइन टिकट सेवा

बुटवल । लुम्बिनी प्रादेशिक अस्पताल बुटवलमा ओपीडी सेवाका लागि अनलाइन