सुर्खेत । यतिबेला सत्तारूढ नेपाल कम्युनिष्ट पार्टी (नेकपा)को केन्द्रीय सत्तासंघर्षमा काठमाडौंमा अल्पबिराम लागेको छ । तर, कर्णाली प्रदेशमा भने पार्टीभित्रको गुटसंघर्षको प्रत्यक्ष असर सरकार संचालनमा परेको छ ।
प्रदेशका मुख्यमन्त्री एवं संसदीय दलका नेता महेन्द्रबहादुृर शाहीविरुद्ध नेकपाकै १८ जना सांसदले आज अविश्वासको प्रस्ताव बुझाएका छन् ।
सुरूदेखि नै शाहीका मुख्य प्रतिस्पर्धी रहेका सांसद यामलाल कँडेलको अगुवाइमा अविश्वासको प्रस्ताव दर्ता गराइएको हो ।
संसदीय दलका मुख्य सचेतक गुलावजंग शाहलाई हस्ताक्षर बुझाइएको छ । शाहले हस्ताक्षर पत्र बुझेको भन्दै छलफलपछि मात्र के गर्ने भन्ने निर्णय लिइने बताए ।
३३ सांसद रहेको संसदीय दलमा पूर्वएमालेका १३ र पूर्वमाओवादीका ५ जना सांसदले हस्ताक्षर गरेका छन् ।
पार्टी एकिकरण अघि मुख्यमन्त्री शाही पूर्व माओवादी र कँडेल पूर्व एमालेका नेता थिए ।
प्रतिक्रिया