चितवनमा थप १ जना कोरोना संक्रमितको मृत्यु

चितवन । चितवनमा थप एक जना कोरोना संक्रमितको मृत्यु भएको छ ।

चितवन मेडिकल कलेज भरतपुरमा उपचाररत भरतपुर महानगरपालिका–१० का ७८ वर्षीय पुरुषको सोमबार राति ८ः१० बजेको समयमा मृत्यु भएको अस्पतालले जनाएको छ ।

गत असोज २३ गते कोरोना पुष्टि भएका ती पुरुष २४ गते अस्पताल भर्ना भएका थिए । मेडिकल कलेजको आइसीयू कक्षमा उपचाररत उनको राति मृत्यु भएको हो । आज थपिएसंगै चितवनमा कोरोना संक्रमणबाट मृत्यु हुनेमा संख्या ३६ जना पुगेको छ ।