काठमाडौं । सरकारले कात्तिक ७ गतेभित्र अनिवार्य रुपमा विदेशी च्यानललाई क्लिन फिड बनाउन सबै सेवा प्रदायकहरुलाई अनुरोध गरेको छ ।
सञ्चार तथा सूचना प्रविधि मन्त्रालयले आज एक विज्ञप्ति जारी गर्दै कात्तिक ४ गतेभित्र विज्ञापनरहित (क्लिनफिड) प्रसारण गर्नुपर्ने स्पष्ट कानूनी व्यवस्थालाई पालना गर्न अनुरोध गरेको हो ।
सो मितिभित्र पनि क्लिनफिड प्रसारण नभएमा कानून बमोजिम कारवाही गर्ने चेतावनी मन्त्रालयले दिएको छ । ‘‘विज्ञापन नियमन गर्ने सम्बन्धमा व्यवस्था गर्न बनेको ऐन २०७६’ विदेशी टेलिभिजन च्यानलहरु कार्तिक ७ गतेसम्म क्लिन फिड भइसक्नुपर्छ ।
विभिन्न निकायबाट मन्त्रालयमा क्लिनफिड प्रसारणको म्या थप गर्न माग गरिएको विषयमा ध्यानाकर्षण भएको भन्दै विज्ञप्तिमा भनिएको छ, ‘२०७७ साल कार्तिक ७ गतेभित्र विज्ञापनरहित (क्लिनफिड) प्रसारण गर्नुपर्ने व्यवस्था ऐनद्वारा नै गरिएको र ऐनद्वारा नै एक वर्षको तयारी अवधि समेतको व्यवस्था भएकाले ऐनको मर्म र भवना अनुरुप तोकिएको मितिदेखि विज्ञापनरहित प्रसारण गर्न गराउन सम्बन्धित सबै संघसंस्थाहरुलाई अनुरोध गरिएको छ ।’
प्रतिक्रिया