नेपालगन्ज । गृह प्रशासनले चाडवाडको समयमा समेत मठ मन्दिर सञ्चालनमा रोक लगाए पनि पश्चिम नेपालको प्रसिद्ध शक्तिपीठ बागेश्वरी मन्दिरमा बाँके प्रहरीले सरसफाई गरेकोछ । सर्वसाधारणलाई प्रवेश निषेध गरिएको बागेश्वरी मन्दिर प्राङ्गणमा प्रहरीहरु प्रवेश गरेर सरसफाई गरेको हो ।
जिल्ला प्रहरी कार्यालय बाँकेका प्रहरी निरीक्षक सुरज खत्रीको नेतृत्वमा खटिएको टोलीले बन्द अवधिमा मन्दिर परिषरमा उम्रियका झार तथा थुप्रिएका १ ट्याक्टर बढी फोहोर निकालेको थियो ।
कोरोनाका संक्रमणका कारण गत वर्षको चैत्र देखि बन्द रहेको बागेश्वरी मन्दिर चाडबाडको मुखमा समेत खोल्न नदिने प्रशासनले सुचना जारी गरेको छ । यसअघि गृह मन्त्रालयले देशभरका ७७ वटै जिल्लालाई पत्र पठाउँदै धार्मिक स्थल तथा शक्तिपीठ नखोल्न निर्देशन दिएको थियो ।
बाँके प्रहरीले निजिकिदै गरेका चाडपर्वलाई लक्षित गर्दै हुनसक्ने सम्भावित अपराधलाई नियन्त्रण गर्न जिल्लामा विभिन्न १४ बुँदे विशेष सुरक्षा योजनालाई अगाडी बढाएको छ ।
प्रतिक्रिया