बुटवल । नेपाल राष्ट्र बैंकको कार्यकारी निर्देशक डा. प्रकाशकुमार श्रेष्ठ अर्थमन्त्री विष्णु पौडेलको आर्थिक सल्लाहकारमा नियुक्त भएका छन् । ने
पाल राष्ट्र बैंकको बहालवाला कार्यकारी निर्देशक तथा दुई वर्ष प्रदेश ५ योजना आयोगको उपाध्यक्ष रहेका श्रेष्ठलाई अर्थमन्त्री पौडेलले प्रमुख आर्थिक सल्लाहकारमा नियुक्त गरेका हुन् ।
अर्घाखाँची गृहजिल्ला भएका उनी नेपालको आर्थिक क्षेत्रको विज्ञ मानिन्छन्।
श्रेष्ठले खबरकुरासँग कुरा गर्दै राष्ट्रबैंकका गभर्नरको समेत सहमतिमा बिगत २ दिनदेखि अर्थमन्त्रलायमा जिम्मेवारी सम्हालेको बताए । उनले भने- ‘मैले अवसरकारुपमा लिएको छु, आफुले जानेबुझे सम्म राष्ट्र निर्माणका लागि निस्वार्थ भावले जिम्मेवारी निभाउने छु ।’
श्रेष्ठकै नेतृत्वमा प्रदेश ५ को आर्थिक नक्सा तयार भएको थियो भने प्रदेशको तत्कालिन तथा दिर्घकालिन योजनाहरु दस्तावेजिकरण समेत भएको थियो ।
कोरोना महामारीसँगै देशको अर्थतन्त्र शिथिल भएको अवस्थामा दोस्रोपटक अर्थ मन्त्रालयको जिम्मेवारी लिएका पौडेल माथि अर्थतन्त्रलाई सहिबाटोमा ल्याउने देखि डा. खतिवडाले चिढाएका उद्योगी ब्यवसायीहरुसंग बिश्वासको वाताबरण समेत बनाउने जिम्मेवारी रहेको छ । अर्थमन्त्रीलाई सफल बनाउने कार्यमा सल्लाहकारको समेत महत्वपूर्ण भूमिका रहने गर्दछ।
अहिलेको जटिल अवस्थामा देशको अर्थतन्त्र सुधारको लागि आफ्नो ज्ञान र क्षमताले भ्याएसम्म योगदान गर्ने सल्लाहकार श्रेष्ठले बताए ।
प्रतिक्रिया