गुल्मी । पाैवा रिसाेर्ट प्रालीले आफ्नाे आठाै सेवा गुल्मीको धार्मिक स्थल रेसुङ्गावाट शुरु गरकाे छ ।
साेमवार बिहान रेसुङ्गामा पत्रकार सम्मेलन गरी पौवाले आफ्नाे सेवा सुभारम्भ गरेकाे जानकारी दिएकाे हाे ।
पाैवाले रेसुङ्गावाट १ बर्षकाे मेहनतपछि सेवा सुभारम्भ गरेकाे हाे ।
रेसुङ्गालाई विश्वमा परिचत गराउनुका साथै पर्यटनहरुलाई यहाँ उपस्थित गराउन पाैवा रिसाेर्टले महत्वपूर्ण भुमिका निभाउने पत्रकार सम्मेलनमा जानकारी दिइएकाे छ ।
रेसुङगा,पाल्पा, बुटवल, भैरहवा, गाेरुसिङ्गे, भालुवाङ, लमही, जुम्लाबाट सेवा दिँदै आएकाे पाैवाले देशभरवाट आफ्नाे सेवा दिने लक्ष्य रहेकाे पाैवाका सञ्चालक ध्रुवराज न्याैपानेले जानकारी दिए ।
श्रद्धालु भक्तजनलाई रेसुङ्गा ल्याउनुका साथै यहाँको पर्यटकीय क्षेत्रलाई लक्षित गरी अन्य पर्यटकहरूलाई समेत पाैवा रिसाेर्ट रेसुङ्गामा ल्याइने न्याैपानेले बताए ।
पाैवाले रेसुङ्गालाई नै राेज्नुकाे प्रमुख कारण यहाँको धार्मिक एवं पर्यापर्यटन विकास नै भएको अध्यक्ष दुर्गा भण्डारीले बताए।
तम्घास आएका पर्यटकलाई रेसुङ्गा पुगौं भन्ने र आउन चाहाना भएमा सेवा समेत दिने उहाँको भनाई छ। छिट्टै पाैवाले रेसुङगा घुम्ने प्याकेज समेत निर्माण तयारी रहेकाे पाैवा रिसाेर्टका सञ्चालक शरण कर्मचार्यले बताए ।
२५ वर्षका लागि पाैवा रिसाेर्टले २५ राेपनी जग्गा प्रयाेग गर्ने गरी रेसुङ्गा नगरपालिकासँग सम्झौता गरेकाे छ ।
२५ बर्षपछि यहाँ निर्माण गरेका सवै संरचना रेसुङ्गा नगरपालिकालाई हस्तान्तरण गर्ने प्रवन्ध निर्देशक विष्णुप्रसाद ज्ञवालीले जानकारी दिए ।
रेसुङ्गाबाट आफ्नाे सेवा सुभाम्भ गरेकाे पाैवा रिसाेर्टले कात्तिक २२, २३ र २४ गते स्थानीय परिकार खुवाउने समेत तयारी रहेकाे छ ।
प्रतिक्रिया