काठमाडौं । नेपाली कांग्रेसका सांसद सूर्यबहादुर केसीको निधन भएको छ।
गए राति पोखरास्थित निजी निवासमै उनको निधन भएको पारिवारिक स्रोतले बताएको छ । केसी प्रतिनिधिसभामा कांग्रेस सांसद हुन्।
केसी पोखरा उपमहानगरपालिकाको तत्कालीन प्रधानपञ्चसमेत हुन् । उनी पहिलो संविधानसभामा राप्रपाबाट सांसद बनेका थिए ।
रारा चाउचाउ, हाइड्रोलगायत विभिन्न व्यवसायमा उनी सफल थिए ।
उनको मंगलबार बिहान ९ः३० बजे अन्तिम संस्कार हुने बताइएको छ ।
उनी राप्रपा छाडेर २०७४ सालमा कांग्रेस प्रवेश गरेका थिए । उनी कांग्रेसका केन्द्रीय सदस्यसमेत हुन ।
प्रतिक्रिया