६ जेष्ठ २०८१, आइतबार | May 19, 2024

देशभित्र रोजगारी नपाएपछि दैनिक सयौं युवा भारत जान बाध्य



धनगढी। कोरोना भाइरसको महामारीका कारण केही महिना अघिसम्म भारतमा रहेका नेपाली स्वदेश फर्किनका लागि सीमामा लर्को लाग्थ्यो ।

तर, अहिले ठिक उल्टो भएको छ । कोरोनाको डरले स्वदेश फर्किएका नेपाली युवासहित सयौं युवाको अहिले सीमा क्षेत्रमा भिड देखिन्छ । उनीहरू देशभित्र रोजगारीका कुनै अवसर पाउन नसकेपछि पुन: भारत जान बाध्य भएका छन् ।

कञ्चनपुरको त्रिनगर गौरीफन्टा नाकामा भारत जानेहरुको लामो लाइन बढेको छ ।

दशैं अघि यही नाकामा दशैँ मनाउनका लागि स्वदेश फर्किनेहरुको चहलपहल थियो । दशैँ सकिए लगत्तै रोजगारीका लागि फेरि भारत जानेहरुको घुईंचो देखिएको छ ।

चाडपर्व मनाउन स्वदेश आएका मानिसहरु मात्रै होइन कोरोना डरले स्वदेश भित्रिएका सयौं नागरिकका लागि भारत फेरि पनि रोजगार गन्तव्य बनेको छ ।

दशैं सकिए लगत्तै उनीहरू भारत जान बाध्य बनेका छन् । तिहार आउनै लाग्दा भारत जानु रहर नभई उनीहरूको बाध्यता हो ।

देशभित्रै काम नपाउने भएपछि दुई चार पैसा कमाउन र परिवारको लालनपालनकै लागि भारत जानुपर्ने बाध्यता रहेको पनि उनीहरुले बताए ।

कोरोना संक्रमणका कारण स्वदेश फर्किएकाहरु पनि फेरि भारत जान बाध्य छन् । सुदूरपश्चिम प्रदेश सरकारले कोरोनाका कारण घर फर्किएकालाई स्वदेशमै रोजगारी सिर्जना गर्ने बताएको छ । तर देशभित्र रोजगारी पाउने अवस्था नै नभएपछि चाडपर्वको बीचमै पनि मानिसहरु रोजगारीका लागि भारत जान बाध्य भएका हुन् ।

देशभित्रै रोजगारीको अवसर नभएकाले चाडपर्वको प्रवाह नगरी काम खोज्न भारत जानुपरेको गुनासो पनि धेरैको छ ।

सुदूरपश्चिमका दुई नाका गड्डाचौकी र त्रिनगर गौरीफन्टा भएर मात्रै दैनिक हजारौको संख्यामा नागरिकहरु भारत गैरहेका छन् ।

सुदूरपश्चिम प्रदेश प्रहरी कार्यालयका अनुसार कात्तिक १ गते देखि १६ गतेसम्म १२ हजार ७ सय  ६३ नेपाली भारत प्रवेश गरेका छन् । जसमा २ हजार ४ सय ५० महिला र १ हजार ४ सय ५ बालबालिका पनि छन् । 

प्रकाशित मिति : १९ कार्तिक २०७७, बुधबार  ६ : ४५ बजे

कांग्रेस संसदीय दलको बैठक भोलि सोमबार बिहान बस्ने

काठमाडौं । प्रमुख प्रतिपक्षी दल नेपाली कांग्रेसको संसदीय दलको बैठक

संसदीय छानबिन समिति गठन नभएसम्म कांग्रेसले प्रधानमन्त्रीले विश्वासको मत लिने बैठक चल्न नदिने

काठमाडौं । कांग्रेस महामन्त्री गगनकुमार थापाले नेपाली कांग्रेसले संसदीय छानबिन

गोर्खा मिडियाको सहकारीबाट ऋण लिने प्रक्रियामा म संलग्न छैन- गृहमन्त्री लामिछाने

काठमाडौं । उपप्रधान तथा गृहमन्त्री रवि लामिछानेले कांग्रेसको गनगनले मात्र

बुटवलमा भोलिदेखि लुम्बिनी प्रदेश स्तरीय दोहोरी खेल प्रतियोगिता सुरु

बुटवल । लोक दोहोरी गीत प्रबद्र्धन गर्ने उद्देश्य सहित भोलिदेखि