रुपन्देहीमा १५ मिनेटको फरकमा २ कोरोना संक्रमितको मृत्यु

बुटवल । बुटवलको कोरोना बिशेष अस्पतालमा ४५ वर्षीय पुरुषको मृत्यु भएको १५ मिनट भित्र भैरहवाको भिम अस्पतालमा अर्का एक संक्रमितको मृत्यु भएको छ ।

सैनामैनाबाट उपचारकालागि भिम अस्पतालमा भर्ना भएकी ५६ वर्षीया महिलाको बिहान ६ः२०मा मृत्यु भएको भिम अस्पतालले जनाएको छ । कार्तिक १७ गते कोरोना संक्रमण पुष्टि भएका उनी १९ गते भिम अस्पतालमा भर्ना भएकी थिईन् ।

मधुमेहको समेत समस्यारहकी उनको बिहान ६ः२० मा मृत्यु भएको अस्पतालका सुचना अधिकृत डा. नारायण पोखरेले जानकारी दिए ।

आजै बिहान बुटवल स्थित कोरोना बिशेष अस्पतालमा बुछवल १७ का ४५ वर्षीय पुरुषको मृत्यु भएको थियो ।

थप मृत्यु भएसँगै रुपन्देहीमा मृतकको संख्या ८१ जना पुगेको छ । अस्पतालमा अहिले पनि गम्भीर प्रकृतिका बिरामीहरु बढ्दै गएको कोरोना बिशेष अस्पतालले जनाएको छ ।