महिला विरुद्ध संयुक्त राष्ट्रसंघको विभेद उन्मुलन कमिटिमा नेपालकी वन्दना राणा पुनः निर्वाचित भएकी छिन् ।
महिला विरुद्ध हुने सबै प्रकारको विभेद अन्त्य गर्ने महासन्धि कार्यान्वयनको अनुगमन गर्न विज्ञहरु संलग्न समिति (सिड)का लागि राणा दोस्रो पटक उम्मेदवार बनेकी थिइन ।
न्युयोर्कमा सम्पन्न निर्वाचनमा राणाले १३७ मत ल्याएकी छिन्् । उनीसहित ११ जना उम्मेदवार निर्वाचित भएका छन् । १९ जना उम्मेदवार रहेकोमा सबैभन्दा धेरै मत राणाले नै प्राप्त गरेकी छिन् ।
राणासँगै नेदरल्याण्ड, बहामस, लिथुआनिया, घाना, अष्ट्रेलिया, मेक्सिको, लेबनान, फ्रान्स, फिलिपिन्स र चीनका विज्ञहरु पनि निर्वाचित भएका छन् ।
नयाँ कार्यकाल सन् २०२१ देखि २०२४ सम्म हुनेछ । राना उक्त कमिटीमा काम गर्ने पहिलो नेपाली हुन् ।
बन्दना राणा अहिले महिला विद्धको विभेद उन्मुलन कमिटीमा भाइस चियर समेत छिन् । उनीसँग लैंगिक समानता र महिला अधिकारका क्षेत्रमा काम गरेको झण्डै तीनदशक लामो अनुभव रहेको छ ।
राष्ट्रसंघ न्युयोर्कका लागि नेपाली राजदूत अमृतबहादुर राईले नेपालका तर्फबाट उम्मेदबारी दिएकी राणाको क्षमतामा विश्वास गरेर निर्वाचित गरेकोमा सबैलाई धन्यवाद दिएका छन् ।
प्रतिक्रिया