काठमाडौं । सत्तारुढ नेपाल कम्युनिष्ट पार्टी नेकपाका अध्यक्ष पुष्पकमल दाहाल प्रचण्ड अर्का अध्यक्ष केपी शर्मा ओलीसँग भेट गर्न बालुवाटार पुगेका छन् ।
अपरान्ह ४ बजे सचिवालय बैठक बोलाएका प्रचण्डले त्यसअघि ओलीको अन्तिम सहमति लिनैका लागि बालुवाटार पुगेका हुन् । सचिवालय बैठक बोलाउने ओलीले असहमति जनाउँदै आएका छन् ।
त्यसअघि ओलीको सन्देश बोकेर लुम्बिनी प्रदेशका मुख्यमन्त्री एवं पार्टी स्थायी कमिटी सदस्य शंकर पोखरेलले खुमलटारमा प्रचण्डलाई भेट गरेका थिए ।
कर्णाली प्रदेश सरकार विरुद्ध अविश्वासको प्रस्ताव आएदेखि सुरु भएको नेकपाका अध्यक्षद्वयबीचको विवाद भारतीय गुप्तचर संस्थाका प्रमुख सामन्त गोयलको नेपाल भ्रमण र ओलीद्वारा भएको मन्त्रिपरिषद् विस्तारपछि झन चुलिएको हो ।
प्रतिक्रिया