२४ घण्टाको बीचमा बुटवलमा उपचारत कपिलवस्तुका २ जना कोरोना संक्रमितको मृत्यु

बुटवल । लुम्बिनी प्रादेशिक अस्पताल बुटवलको फिभर क्लिनीकमा उपचाररत कपिवस्तुका एक जना कोरोना संक्रमितको मृत्यु भएको ५ घण्टा नपुग्दै कोरोना बिशेष अस्पताल बुटवलमा कपिलवस्तुकै अर्को एकजना संक्रमितको मृत्यु भएको छ ।

स्वास्थ्यमा समस्या देखिएपछि कपिलवस्तु नगरपालिका १ जीतपुरबाट आईतबार लुम्बिनी प्रादेशिक अस्पतालको फिभर क्लिनीकमा ल्याईएकी ७० वर्षीया महिलामा २४ गते कोरोना पुष्टि भएको थियो । कोरोना बिशेष अस्पतालमा बेड खालि नभएका कारण २४ घण्टा बढी प्रादेशिक अस्पतालमा राखिएका उनलाई आज बिहान मात्र बिशेष अस्पतालमा पठाईएको थियो । उनको उपचारका क्रममा आज मध्यान्ह २ः४५ बजे मृत्यु भएको अस्पतालका प्रवक्ता डा.विष्णु गौतमले जानकारी दिए ।

कपिलवस्तुबाट उपचारका लागि लुम्बिनी प्रादेशिक अस्पताल भर्ना भएका ७९ वर्षीय पुरुषको सोमबार राती ९ बजे मृत्यु भएको थियो ।