बुटवल । रुपन्देहीको देवदहबाट उपचारका लागि कोरोना बिशेष अस्पताल बुटवलमा भर्ना भएका १ जना कोरोना संक्रमितको मृत्यु भएको छ ।
गत कार्तिक २० गते कोरोना संक्रमण पुष्टि भएर २१ गते बिशेष अस्पतालमा भर्ना भएका देवदह ७ का ४७ वर्षीय पुरुषको आज बिहान ९ः१५ बजे उपचारका क्रममा मृत्यु भएको लुम्बिनी प्रादेशिक अस्पतालका प्रवक्ता डा.विष्णु गौतमले जानकारी दिए ।
स्वास्थ्यमा समस्या आएपछि पीसीआर गराएका उनीमा २० गते कोरोना संक्रमण पुष्टि भएको थियो । प्रवक्ता डा. गौतमका अनुसार मृतक एचआईभी पोजिटिभ समेत रहेको थियो ।
आज मृत्यु भएसँगै रुपन्देहीमा मृत्यु हुनेको संख्या ८७ पुगेको छ ।
प्रतिक्रिया