बुटवल । बुटवलमा थप १ जना कोरोना संक्रमितको मृत्यु भएको छ । बुटवल उपमहानगर २ का ७१ वर्षीय पुरूषको आज मृत्यु भएको हो ।
कार्तिक २५ गते लुम्बिनी प्रादेशिक अस्पतालको फिभर क्लिनिकमा ल्याईएका उनलाई सोही दिन संक्रमण पुष्टि भएको थियो । कोरोना विशेष अस्पतालमा बेड खालि नभएका कारण फिभर क्लिनिकमा उपचाररत उनलाई आज मात्र कोरोना विशेष अस्पतालमा पठाएको थियो । अस्पताल पुगेको केहिबेरमा उनको मृत्युु भएको थियो ।
विशेष अस्पतालका अनुसार साँझ ५:४५ बजे उनको मृत्यु भएको प्रादेशिक अस्पतालका प्रवक्ता डा. विष्णु गौतमले बताए ।
आज मृत्यु भएसंगै रूपन्देहीमा मृत्यु हुनेको संख्या ८७ पुगेको छ ।
प्रतिक्रिया