६ जेष्ठ २०८१, आइतबार | May 19, 2024

पर्वत बेनीमा कृषि बजार खुल्दा म्याग्दी बेनीका उपभोक्तालाई सहज



बेनी । म्याग्दी जिल्लाको सदरमुकाम बेनीबजारसँगै रहेको पर्वतको जलजला गाउँपालिका( ४ मोहनचोकमा कृषि र पशुजन्य वस्तुको कृषि बजार खुलेपछि म्याग्दी बेनीका उपभोक्तालाई सजिलो भएको छ ।

जलजला कृषक समूहले म्याग्दी बेनीका उपभोक्तालाई लक्षित गर्दै मोहन चौकमा कृषि बजार स्थापना गरेर कृषि उपज खरिद बिक्री सुरु भएको हो ।

ग्रामीण कृषकले उत्पादन गरेका कृषि उत्पादनले बजार र मूल्य नपाउने तथा उपभोक्ताले महँगोमा किन्नुपर्ने समस्या हटाउन कृषि बजार सञ्चालनमा ल्याईएको समूहका अध्यक्ष राजुप्रसाद आचार्यले जानकारी दिएका छन् । सो समूहले जलजला गाँउपालिकाका ९ वटै वडाका कृषक मिलेर बजार सञ्चालनमा ल्याएको जनाएको छ।

तरकारीबाट खरिद बिक्री सुरु गरेको समूहले दूध, कुखुरा, खसीबोका र फलफूलको पनि व्यापार सुरु गर्ने बताएको छ । हाज समूहले कृषकले ल्याएको तरकारी संकलन गरेर बेनी, कुश्मा र बाग्लुङका बजारमा पठाउने गरेको छ ।

कृषि बजार सञ्चालन भएपछि डोकामा तरकारी बोकेर व्यापारीका घरदैलो चाहर्नुपर्ने बाध्यता हट्नुका साथै समय बचत भएको कृषकहरुले बताएका छन् ।

तीन करोडको सेयर पुँजीबाट कम्पनी सञ्चालन गर्न समूहले सेयर संकलन सुरु गरेको अध्यक्ष आचार्यले बताए । समूहमा तीन सयभन्दा बढी कृषक समूहमा आबद्ध गराइएको उनले जानकारी दिए ।

आचार्यका अनुसार भूमि व्यवस्था, कृषि तथा सहकारी मन्त्रालयको २७ लाख ६० हजार र समूहको चार लाख ८७ हजार एक सय २६ रुपैयाँमा कृषि उपज संकलन, भण्डारण, बिक्री तथा कार्यालय प्रयोजनका लागि चार सटरसहितको दुई भवन बनाइएको छ ।

यसैगरी खसीबोकाको खोर, आवास भवन र वधस्थल पनि निर्माण गरिएका छन् । घेराबार र पर्खाल निर्माण गर्न जलजलाले १२ लाख ७५ हजार तथा समूहले दुई लाख २५ हजार लगानी गरेको उपाध्यक्ष कुशल जिसीले जानकारी दिए ।

जलजलाको नाग्लिवाङ, बनौ, धाइरिङ, शालिजा, लेखफाँट, मल्लाज र बाँसखर्क तरकारी, सुन्तला र आलु खेतीको पकेट क्षेत्र हो । यहाँका स्थानीयले व्यावसायिक गाईंभैसी, बाख्रा र कुखुरापालनलाई आम्दानीको स्रोत बनाएका छन् ।

कृषकको सुविधाका लागि कृषि बजार सञ्चालन गर्न गाउँपालिकाले सहयोग र सहजीकरण गरेको जलजला(४ का वडाध्यक्ष भीष्म मल्लले बताए । मोहनचोकमा कृषि बजार सञ्चालन भएपछि कृषकले उचित मूल्य र उपभोक्ताले सस्तोमा ताजा तथा गुणस्तरीय उत्पादन उपभोग गर्न पाएको वडा अध्यक्ष मल्लले दाबी गरे ।

 

प्रकाशित मिति : २७ कार्तिक २०७७, बिहिबार  ९ : १५ बजे

बुटवलमा भोलिदेखि लुम्बिनी प्रदेश स्तरीय दोहोरी खेल प्रतियोगिता सुरु

बुटवल । लोक दोहोरी गीत प्रबद्र्धन गर्ने उद्देश्य सहित भोलिदेखि

जसपा छाडेका सांसदलाई विश्वासको मत दिनबाट रोक्न उपेन्द्र पुगे सर्वोच्च

काठमाडौं । जनता समाजवादी पार्टी, नेपालका अध्यक्ष उपेन्द्र यादव प्रधानमन्त्री

कार्यदलको बैठकमा सहमति जुटेन

काठमाडौं । सहकारी प्रकरण छानबिन गर्न बन्न लागेको संसदीय छानबिन

भरतपुरमा सात वर्षमा सात सय किलोमिटर सडक कालोपत्र

चितवन । कुनै बेला भरतपुर महानगरपालिकाका सडकमा गहिरा खाल्डा थिए