६ जेष्ठ २०८१, आइतबार | May 19, 2024

मंसिर ३ गते तोकिएको नेकपा बैठक पुनः अनिश्चित, ओलीका प्रेस सल्लाहकार थापा भन्छन् – अबका बैठक निरर्थक



काठमाडौं । मंसिर ३ गते पुनः बैठक बस्ने गरी शुक्रबार सकिएको नेपाल कम्युनिष्ट पार्टी [नेकपा]को बैठक अनिश्चित देखिएको छ ।

अध्यक्ष एवं प्रधानमन्त्री केपी शर्मा ओलीले आफ्ना प्रेस सल्लाहकार सुर्य थापामार्फत प्रचण्डको राजनीतिक प्रस्ताव फिर्ता नगरी बैठक नहुने सन्देश दिएका छन् । यससँगै लामो विवादपछि बसेको सचिवालय बैठकको निरन्तरता अनिश्चित देखिएको हो ।

प्रेस सल्लाहकार थापाले अध्यक्ष प्रचण्डले सचिवालय बैठकमा पेश गरेको प्रस्तावलाई अनधिकृत, गैरजिम्मेवार, अनैतिक, भ्रमको पुलिन्दा र तथ्यको नांगो भ्रष्ट्रीकरण भएको आरोप लगाएका छन् । प्रस्ताव फिर्ता नगरेसम्म नेकपाका कुनै पनि तहका बैठक र छलफल गर्ने त के सम्वाद् पनि शत्रुवत् र निरर्थक बन्ने टिप्पणी थापाले गरेका छन् ।

थापाले सामाजिक सञ्जालमा पोष्ट गर्दै पार्टी विधान, परम्परा, अभ्यास र दुबैजना अध्यक्षको सहमतिमा मात्रै कुनै पनि प्रस्ताव तयार भएर प्रस्तुत हुने पछिल्लो स्थायी समिति बैठकले समेत गरेको निर्णयको प्रचण्डको एकल प्रस्तावले ठाडो उल्लंघन गरेको जिकिर गरेका छन् । ‘यस्तो लाञ्छनापत्रमाथि कमसेकम पार्टी कमिटीहरूमा छलफल हुनसक्दैन’, उनले लेखेका छन् ।

प्रधानमन्त्रीले लगातार बैठक बसाल्न र बैठकमा सहभागी हुन आनाकानी गरिरहेका बेला सल्लाहकारमार्फत सार्वजानिक भएको अभिव्यक्तिले नेकपा बैठक पुनः अनिश्चित भएको छ ।

प्रकाशित मिति : २९ कार्तिक २०७७, शनिबार  ५ : २३ बजे

कार्यदलको बैठकमा सहमति जुटेन

काठमाडौं । सहकारी प्रकरण छानबिन गर्न बन्न लागेको संसदीय छानबिन

भरतपुरमा सात वर्षमा सात सय किलोमिटर सडक कालोपत्र

चितवन । कुनै बेला भरतपुर महानगरपालिकाका सडकमा गहिरा खाल्डा थिए

ट्राफिक प्रहरी जवान घिमिरेको हत्यामा संलग्न ७ जना सार्वजनिक

काठमाडौं । ट्राफिक प्रहरी प्रभाग, दरबारमार्गमा कार्यरत प्रहरी जवान युवराज

ओझेलमा पर्यटकीय रुडुबन्चु पाटन

कालीकोट । कालीकोटको तिलागुफा नगरपालिका-१० मा पर्ने पर्यटकीयस्थल पाटन रुडुबन्चु

इजरायली हवाई आक्रमणमा २० जनाको मृत्यु

गाजापट्टी । मध्य प्यालेस्टिनी क्षेत्रमा रहेको शरणार्थी शिविरको एक घरलाई