काठमाडौं । आइतबार कोरोना भाइरसका १ हजार ४७७ जना नयाँ संक्रमित थपिएका छन् ।
दोस्रो ठूलो चाड तिहारको समयमा पीसीआर परीक्षण हुँदा संक्रमितको संख्या पनि घटेको देखिएको छ ।
स्वास्थ्य तथा जनसंख्या मन्त्रालयले आइतबार अपरान्ह अपडेट गरेको पछिल्लो तथ्यांक अनुसार देशभर १ हजार ४७७ जना मात्रै संक्रमित थपिएका हुन् । यससँगै देशभर कुल संक्रमितको संख्या २ लाख ९ हजार ७७६ पुगेको छ ।
मन्त्रालयका अनुसार आइतबार २ हजार ७९८ जना संक्रमणमुक्त भएका छन् भने ६ जनाको मृत्यु भएको छ । देशभर आज ३५ हजार १२५ जना संक्रमितहरु आइसोलेसनमा बसेका छन् ।
हालसम्म निको हुनेको संख्या १ लाख ७३ हजार ४३० पुगेको छ भने १ हजार २२१ जनाको मृत्यु भएको छ ।
प्रतिक्रिया