काठमाडौं । मंगलबार कोरोना भाइरसका १४ सय ४२ नयाँ संक्रमित थपिएका छन् ।
स्वास्थ्य तथा जनसंख्या मन्त्रालयले अपडेट गरेको नयाँ तथ्यांक अनुसार मंगबार ६ हजार ७३१ पीसीआर परीक्षण गर्दा १४ सय ४२ नयाँ संक्रमित थपिएका हुन् ।
यससँगै हालसम्म कुल संक्रमितको संख्या २ लाख १२ हजार ९१७ पुगेको छ । देशभर सक्रिय संक्रमितको संख्या २८ हजार ८७८ रहेको छ ।
मंगलबार संक्रमित हुनेको तुलनामा निको हुनेको संख्या धेरै रहेको छ । ३ हजार ५३८ जना संक्रमणमुक्त भएको मन्त्रालयले जनाएको छ । हालसम्म निको हुनेको संख्या १ लाख ८२ हजार ७८० पुगेको छ ।
यसैगरी पछिल्लो २४ घण्टामा १२ जना कोरोना संक्रमितको मृत्यु भएको छ । हालसम्म १२ सय ५९ जनाको मृत्यु भैसकेको मन्त्रालयले जनाएको छ ।
क्वारेन्टाइनमा रहनेको संख्या ९१० रहेको छ ।
प्रतिक्रिया