नेपालगन्ज । कोरोना भाइरसको संक्रमणबाट बिहिबार बाँकेमा थप दुई जनाको मृत्यु भएको छ ।
कोरोना संक्रमणबाट बिहिबार बिहान तुलसीपुर उपनहानगरपालिका वडा नम्बर ६, बरुवागाउँ दाङका ८१ बर्षिय पुरुषको उपचारका क्रममा भेरी अस्पताल नेपालगन्जमा बिहान ३:३० बजे र टुर्माखाड गाउपालिका ३, भैरबस्थान, अछामका २५ बर्षीय युवाको साझ ५:१० बजे मृत्यु भएको हो ।
जिल्ला कोभिड-१९ संकट व्यवस्थापन केन्द्रका फोकल पर्सन नरेश श्रेष्ठका अनुसार दाङका पुरुषको कोरोनाको आशंकामा कात्तिक २८ गते स्वाव संकलन गरी राप्ती स्वास्थ्य बिज्ञान प्रतिष्ठानमा पठाइएको र सोही दिन आएको रिपोर्टमा उनलाई कोरोना पुष्टि भएको थियो ।
कोरोना पुष्टि भएपश्चात उनलाई उपचारका लागि २८ गते साँझ भेरी अस्पताल नेपालगन्जमा ल्याई भर्ना गरिएको थियो ।
अस्पतालको कोभिड-१९ आइसोलेसन वार्डमा भर्ना भएका उनलाई सम्पुर्ण विधि अपनाएर उपचार गर्दा पनि स्वास्थ्यमा सुधार नआई बिग्रदै गएपछि बिहिबार बिहान ३:३० बजे उनको मृत्यु भएको अस्पतालले पुष्टि गरेको कोभिड फोकल पर्सन श्रेष्ठले जानकारी दिए ।
त्यस्तै भिरबाट खसेर टाउकोमा चोट लागि गम्भिर घाइते भइ उपचारका लागि नेपालगंज मेडिकल कलेज शिक्षण अस्पताल कोहलपुरमा ल्याइएका अछामका २५ बर्षीय पुरुषको ३० गते पिसीआर रिपोर्ट पोजेटिभ आएको थियो ।
उनलाइ अस्पतालको कोभिड-१९ आइसोलेसन वार्डमा भर्ना गरी उपचार भइ रहेको उनको सम्पुर्ण विधि अपनाएर उपचार गर्दै गर्दा बिहिबार साझ ५:१० बजे मृत्यु भएको फोकल पर्सन श्रेष्ठले जानकारी दिए ।
यो संगै बाँकेमा उपचारका क्रममा जिल्ला बाहिरका ४३ जना कोरोना संक्रमितको मृत्यु भएको छ ।
प्रतिक्रिया