नेपालगन्ज । दाङबाट उपचारका लागि बाँके ल्याईएकी थप १ जना कोरोना संक्रमितको मृत्यु भएको छ । नेपालगन्ज मेडिकल कलेज कोहलपुरमा उपचाररत दाङ तुलसीपुर उपमहानगर ६ की ७७ वर्षीया महिलाको मध्यराती १२ः१५ बजे मृत्यु भएको हो ।
स्वास्थ्यमा समस्या आएपछि गत मंसिर ५ गते कोहलपुर पुगेकी उनीमा कोरोना रहेको आशंकमा पीसीआर परीक्षण गराउँदा ६ गते कोरोना संक्रमण पुष्टि भएको थियो । सोहि दिनबाट मेडिकल कलेजको आइसोलेसन वार्डमा भर्ना भएकी उनलाई अक्सिजन, भेन्टिलेटर, एन्टिबायोटिक, रेडमिशिबीर जस्ता बिधिबाट उपचार भएपनि मध्यराती उनको निधन भएको कोभिड १९ संकट ब्यवस्थापन केन्द्र (सीसीएमसी) बाँकेका कोरोना फोकलपर्शन नरेश श्रेष्ठले जानकारी दिए ।
आज भएको मृत्यु संगै बाँकेमा जिल्ला बाहिरबाट उपचारका लागि आएका मध्य मृत्यु हुने संक्रमितको संख्या ४९ पुगेको छ ।
प्रतिक्रिया