कन्चनपुर । कन्चनपुरमा लिईएको नेपाली सेनाको सैन्य दर्जाको लिखीत परिक्षामा नक्कली परिक्षार्थी फेला परेको छ । सैन्य दर्जाका लागि सञ्चालित परिक्षामा सैन्य दर्जामा आवेदन दिएका भन्दा फरक ब्यक्तिले परिक्षा दिईरहेको फेला परेपछि आवेदक र नक्कली परिक्षार्थी दुबैलाई पक्राउ गरिएको कन्चनपुर प्रहरीले जनाएको छ ।
नेपाल आर्मीको सैन्य दर्जाको लिखीत परीक्षामा भिमदत्त नगरपालिका-४ कञ्चन बिद्या मन्दिर परीक्षा केन्द्रमा वास्तबिक परिक्षार्थी जिल्ला बझाङ् दुर्गाथलि गाउाँपालिका वडा नं. ४ का मुकेश भण्डारीको सट्टामा परीक्षा दिईरहेका नक्कली परिक्षार्थी डोटी सायल गाउँपालिका-६ का सुमन खड्कालाई प्रहरीले पक्राउ गरेको जिल्ला प्रहरी कार्यालय कन्चनपुरले जनाएको छ ।
दुबै जनालाई पक्राउ गरी कानुन बमोजिम थप अनुसन्धान भईरहेको जिल्ला प्रहरी कार्यालय कन्चनपुरका प्रवक्ता डीएसपी अमरबहादुर थापाले बताए ।
प्रतिक्रिया