११ जेष्ठ २०८१, शुक्रबार | May 24, 2024

स्वास्थ्य क्षेत्रमा ‘अभुतपूर्व फड्को’ : आज एकैदिन ७ प्रदेशमा ३९६ आधारभूत अस्पताल शिलन्यास हुँदै



काठमाडौं । सरकारले दाबी गरेअनुसार यदि काम हुने हो भने नेपालको स्वास्थ्य क्षेत्रमा आजको दिन ऐतिहासिक दिन बन्नेछ ।

सरकारले आज सोमबार सातै प्रदेशका स्थानीय तहमा तीन सय ९६ वटा आधारभूत अस्पतालको शिलन्यास गर्दैछ ।

ग्रामीण क्षेत्रमा गुणस्तरीय स्वास्थ्य सेवा विस्तार गर्ने उद्देश्यसहित बनाउन लागिएको अस्पताल दुई वर्षमा पुरा गर्ने लक्ष्य सरकारको रहेको छ । ५, १० र १५ शैयाका अस्पताल बनेपछि देशभरका जनताले आधारभूत स्वास्थ्य सेवा प्राप्त गर्न सहज हुनेछ ।

अस्पताल भवन निर्माण गर्नका लागि अर्थमन्त्रालयले बजेटको सुनिश्चितता पनि गरिसकेको छ । सबै भवनहरु निर्माणका लागि यसवर्ष मात्रै ६ अर्ब १२ करोड २६ लाख रुपैयाँ निकासा गरिएको छ ।

यसबाहेक अस्पताल निर्माण र उपकरण जडानसहित सञ्चालन गर्न ५८ अर्ब खर्च हुने अनुमान गरिएको छ । सरकारले यसलाई स्वास्थ्य क्षेत्रमा एकप्रकारको क्रान्ति भएको दाबी गरेको छ ।

स्वास्थ्य मन्त्रालय अन्तर्गतको आधारभूत अस्पताल शिलान्यास समन्वय समितिका संयोजक माधव लम्सालले आज शिलान्यास हुने अस्पताल दुई वर्षभित्रै सञ्चालनमा आउने बताएका छन् ।

कोरोना संक्रमितको उपचारमा पछाडि हट्न खोजेपछि आलोचना खेपेको सरकारले सबै स्थानीय तहमा आधारभूत अस्पताल बनाउन लागेको हो । सबै स्थानीयतह सहित आजै सातवटै प्रदेशमा एक–एक सरुवारोग अस्पतालको पनि शिलान्यास गर्ने तयारी सरकारले गरेको छ ।

कोरोना महामारीका बीच सरकारले कोरोना संक्रमितको निःशुल्क उपचार गर्न अस्वीकार गरेपछि निकै आलोचना खेपेको थियो । स्वास्थ्य मन्त्रालयले निशुल्क उपचार गर्न नसकिने भन्दै हात उठाएपछि सर्बोच्च अदालतले समेत कोरोना संक्रमितको निशुल्क उपचार गर्न सरकारका नाममा आदेश गरेको थियो ।

स्वास्थ्य मन्त्रालयले बनाएको योजनालाई अर्थमन्त्री विष्णु पौडेलले साथ दिए । बजेट अभाव हुन नदिने मन्त्री पौडेलको प्रतिवद्धताले अस्पताल निर्माणको कामलाई अघि बढाउन मद्दत मिलेको छ ।

योजना अनुसार पाँच शय्याका ५२, १० शय्याका एक सय नौ र १५ शय्याका ३५ अस्पताल बन्नेछन् ।

प्रदेश १ मा ८६ आधारभूत अस्पताल सहित १ सरुवारोग अस्पताल निर्माण गरिनेछ। त्यसैगरी, लुम्बिनी प्रदेशमा १ सरुवा रोग अस्पताल र ५७ आधारभूत अस्पताल, सुदूरपश्चिममा ५४, प्रदेश २ र गण्डकीमा ५३–५३, बागमती प्रदेशमा ५१ र कर्णालीमा ४२ वटा स्थानीय तहमा अस्पताल बन्ने सरकारले जनाएको छ ।

अनुकूलताको आधारमा अर्थमन्त्री विष्णु पौडेल, स्वास्थ्यमन्त्री भानुभक्त ढकाल तथा सम्बन्धित क्षेत्रका सांसद र स्थानीय तहका प्रमुखले अस्पतालको शिलान्यास गर्ने कार्यक्रम छ।

प्रकाशित मिति : १५ मंसिर २०७७, सोमबार  ८ : ५० बजे

सहकारी प्रकरण : कानून मन्त्रालयमा कार्यदलको बैठक सुरु

काठमाडौं । सहकारी ठगि प्रकरणको छानबिन गर्न गठन गर्ने भनिएको

राष्ट्रिय कराते प्रतियोगिताको उपाधि खेलकुद प्रतिष्ठानलाई

खोटाङ । दिक्तेलमा बिहीबार सम्पन्न राष्ट्रिय कराते प्रतियोगिताको उपाधि नेपाल

राष्ट्रपति र प्रधानमन्त्रीबीच भेटवार्ता, संसदको गतिरोध हटाउने विषयमा छलफल

काठमाडौं। राष्ट्रपति रामचन्द्र पौडेल र प्रधानमन्त्री पुष्पकमल दाहाल ‘प्रचण्ड’बीच भेटवार्ता

हावाहुरी रोकिएको ५ दिन पुग्दापनि बाँकेमा विद्युत पूर्ण सुचारु हुन सकेन

नेपालगन्ज । भिषण हावाहुरी र वर्षाका कारण अवरुद्ध भएको विद्युत

तमोर-मेवा जलविद्युत् आयोजनाको काम सुरु

ताप्लेजुङ । जिल्लाको आठराई त्रिवेणी गाउँपालिका र फुङलिङ नगरपालिकामा अवस्थित