लुम्बिनी । रुपन्देहीको गैडहवा गाँउ पालिका वडा नं. ६ गुलरिहा बस्ने अन्दाजी २६ बर्षीय दिनेश लोधको शव मृत अवस्थामा फेला परेको छ ।
स्थानीय तीन युवाहरुको साथमा मंगलवार साँझ पार्टी खान घरबाट हिडेका लोध गुलरिहा चौराहाको तीनसय मीटर उत्तर लुम्बिनी कालोनी सडक छेउमा बुधवार बिहान मृत भेटिएका हुन ।
मृतक लोधलाई भीम अस्पताल भैरहवामा पोष्टमार्टम पश्चात थप अनुसन्धान प्रक्रिया अगाडी बढाइएको रुपन्देही प्रहरी प्रमुख प्रवीण पोखरेलले जानकारी दिए ।
यता मृतकको काका रामनयन लोधले भतीजा दिनेशलाई मंगलवार साँझ तीन युवाहरु घरबाट पार्टी खान लगेको र उनीहरुले नै हत्या गरेको आरोप लगाएका छन् ।
प्रतिक्रिया