नेपालगन्ज । दाङको तुलसीपुरबाट उपचारका क्रममा बाँके लगिएका २ जना कोरोना संक्रमितको गयराती मृत्यु भएको छ । भेरी अस्पताल र नेपालगन्ज मेडिकल कलेजमा उपचाररत तुलसीपुरकै एक-एक जना कोरोना संक्रमितको गयराती मृत्यु भएको हो ।
कोभिड संकट ब्यवस्थापन केन्द्र बाँकेले जनाए अनुसार मंसिर ४ गते भेरी अस्पतालमा भर्ना भएका तुलसीपुर-११ का ४५ वर्षीय पुरुषको गयराती ९ बजे मृत्यु भएको हो । उनलाई रेमडिसिशीर, अक्सिजन, एन्टिबायोटिक लगायतको बिधिबाट उपचार गरिएपनि बचाउन नसकिएको डीसीसीएमसी बाँकेका कोरोना फोकलपर्शन नरेश श्रेष्ठले जानकारी दिए ।
त्यसैगरि बाँकेको नेपालगन्ज मेडिकल कलेज कोहलपुरमा उपचाररत दाङ तुलसीपुरकै ८१ वर्षीय पुरुषको पनि राती १०ः४५ बजे मृत्यु भएको छ । गत मंसिर १३ गते कोरोना संक्रमण पुष्टि भएपछि मेडिकल कलेजमा भर्ना भएका उनलाई संक्रमितको उपचारमा गरिने सबै बिधिबाट उपचार गर्ने प्रयास गरिएपनि उनको मृत्यु भएको फोकलपर्शन श्रेष्ठले बताए ।
राती भएको मृत्युसंगै जिल्ला बाहिरबाट बाँकेमा उपचारका लागि आएर मृत्यु हुनेको संख्या ५७ पुगेको छ ।
प्रतिक्रिया