११ जेष्ठ २०८१, शुक्रबार | May 24, 2024

नेपाल–भारत सम्बन्ध पुनः सृदढ बन्ने बाटोमा : परराष्ट्रमन्त्री ज्ञवाली



काठमाडौं । परराष्ट्रमन्त्री प्रदीप ज्ञवालीले नेपाल र भारतबीचको सम्बन्ध सदृद्ध हुने बाटोमा अघि बढिसकेको बताएका छन् ।

प्रतिनिधिसभाको अन्तर्राष्ट्रिय सम्बन्ध समितिको शुक्रबारको बैठकमा बोल्दै मन्त्री ज्ञवालीले भारतसँग वार्ताको माध्यमबाट विवाद समाधान गर्ने बाटोमा अघि बढेको बताएका हुन् । ज्ञवालीले नेपाल–भारतबीच रहेका सीमा विवादलगायत सबै विषयमा छलफल हुने बताए ।

भारतीय विदेश सचिवको हालै सम्पन्न नेपाल भ्रमणले लामो समयदेखिको संवादहीनता अन्त्य गरेको बताउँदै उनले अब दुवै देश सबै विवादलाई वार्ताबाट हल गर्ने बाटोमा लगेको बताए ।

भारतीय विदेश सचिवको भ्रमणका क्रममा सबै विषयमा छलफल भएको ज्ञवालीको भनाइ थियो ।

नेपालले भारतसँगको व्यापार घाटा कम गर्नका लागि वाणिज्य सन्धिमा संशोधन चाहेको पनि उनले बताए । आगामी दिनमा त्यसबारे छलफल हुने कुरा भएको जानकारी दिँदै उनले विभिन्न चरणका बैठकमा जलस्रोत, व्यापार, वाणिज्यका साथै सीमा विवादमा पनि स्पष्ट छलफल हुने बाटो खुलेको दाबी गरे ।

उनले नेपाल–भारतबीचका विभिन्न संयन्त्रहरूको छलफल नियमित रुपमा अघि बढ्ने भएको पनि जानकारी दिए । केही दिनभित्रै ज्ञवाली दुवै मुलुकका परराष्ट्रमन्त्री रहेको संयुक्त आयोगको बैठकमा भाग लिन नयाँ दिल्ली जाँदैछन् । सो बैठक सफल भए भारतका विदेशमन्त्री एस जयशंकरले पनि निकट भविष्यमै नेपाल भ्रमण गर्नेछन् ।

परराष्ट्रमन्त्री ज्ञवालीले चीनका रक्षामन्त्री वेई फेङहेको भ्रमणका क्रममा दुवै देशका सेनाबीचको सहकार्यलगायतका विषयमा छलफल भएको जानकारी दिए ।

रक्षामन्त्री वेईको भ्रमण नियमित भएको बताउँदै उनले भ्रमणका क्रममा दुई देशबीच विगतमा भएका सन्धि र लेटर अफ एक्सचेन्जको कार्यान्वयनबारे छलफल भएको ज्ञवालीले बताए ।

बैठकमा सांसदहरू भीम रावल र दिव्यमणि राजभण्डारीले गोयल र नरवणेको भ्रमणबारे परराष्ट्रमन्त्रीले धारणा सार्वजनिक गर्नुपर्ने माग गरेका थिए । तर, परराष्ट्रमन्त्री ज्ञवालीले यसबारेमा भने केही पनि बताएनन् ।

 

 

प्रकाशित मिति : १९ मंसिर २०७७, शुक्रबार  १२ : १६ बजे

राष्ट्रिय कराते प्रतियोगिताको उपाधि खेलकुद प्रतिष्ठानलाई

खोटाङ । दिक्तेलमा बिहीबार सम्पन्न राष्ट्रिय कराते प्रतियोगिताको उपाधि नेपाल

राष्ट्रपति र प्रधानमन्त्रीबीच भेटवार्ता, संसदको गतिरोध हटाउने विषयमा छलफल

काठमाडौं। राष्ट्रपति रामचन्द्र पौडेल र प्रधानमन्त्री पुष्पकमल दाहाल ‘प्रचण्ड’बीच भेटवार्ता

हावाहुरी रोकिएको ५ दिन पुग्दापनि बाँकेमा विद्युत पूर्ण सुचारु हुन सकेन

नेपालगन्ज । भिषण हावाहुरी र वर्षाका कारण अवरुद्ध भएको विद्युत

तमोर-मेवा जलविद्युत् आयोजनाको काम सुरु

ताप्लेजुङ । जिल्लाको आठराई त्रिवेणी गाउँपालिका र फुङलिङ नगरपालिकामा अवस्थित

भिरमा मह काढेको छायाङ्कन गर्न नेशनल जियोग्राफी टोली म्याग्दीमा

म्याग्दी । भिर महको निकालेको दृश्य छायाङ्कन गर्न नेशनल जियोग्राफीको