काठमाडौं । दुर्घटनाग्रस्त अवस्थामा फेला परेको कारमा एक युवतीको शव फेला परेको छ। भक्तपुरको कौशलटारमा दुर्घटनाग्रस्त अवस्थामा फेला परेको कार भित्र गम्भीर घाईते अवस्थामा फेला परेकी करिब २५ वर्षीया युवतीको अस्पताल पु-याउने क्रममा मृत्यु भएको प्रहरीले जनाएको छ । प्रहरीका अनुसार यो समाचार तयार पार्दा सम्म मृतक युवतीको सनाखत हुन सकेको छैन ।
मध्यपुरथिमि नगरपालिका ३ कौशलटारमा बिजुलीको पोलमा ठोक्किएर दुर्घटना भएको बा ८ च ४७५६ नम्बरको कार बाहिर गम्भीर घाइते अवस्थामा ती युवती फेला परेकी थिईन् । उपचारको लागि अस्पताल लैजाँदै गर्दा उनको मृत्यु भएको महानगरीय ट्राफिक प्रहरी महाशाखा भक्तपुरले जनाएको छ।
भक्तपुरबाट काठमाडौं तर्फ आउँदै गरेको अवस्थामा मध्यराती १ बजेको समयमा उक्त कार सडक छेउमा रहेको सिमेन्टको पोलमा ठोक्किएर दुर्घटना भएको प्रहरीले बताएको छ । प्रहरीका अनुसार कार चालक तथा कारमा रहेको सवारी संख्याका बिषयमा अझै पत्ता लाग्न सकेको छैन ।
दुर्घटनापछि चालकसहित अन्य यात्रु भागेको हुनसक्ने अनुमान प्रहरीले गरेको छ। दुर्घटनाबारे थप अनुसन्धान भइरहेको प्रहरीले जनाएके छ।
प्रतिक्रिया