दार्चुला । दार्चुलामा गएराती ट्रक दुर्घटना हुँदा तीन जनाको मृत्यु भएको छ ।
गोकुलेश्वरबाट सदरमुकाम खलंगा तर्फ गैरहेको ना ३ ख ३४८५ नम्बरको ट्रक मालिकार्जुन गाउँपालिका १ भर्तोला भन्ने स्थानमा दुर्घटना भएको जिल्ला प्रहरी कार्यालय दार्चुलाका प्रहरी प्रमुख पदमबहादुर विष्टले जानकारी दिएका छन ।
दुर्घटनामा परि तीन जनाको घटनास्थलमै मृत्यु भएको छ । मृत्यु हुनेमा ट्रक चालक २४ वर्षीय शेर सिंह कार्कीको परिचय खुलेको छ भने बाँकी दुई जनाको परिचय खुल्न बाँकी रहेको प्रहरीले बताएको छ ।
गएराति १० बजे ट्रक दुर्घटनामा परेको खबर प्रहरीलाई आएपछि धाप प्रहरी चौकी र दत्तु प्रहरी चौकीलाई दुर्घटना स्थलमा परिचालन गरिएको थियो ।
प्रहरी टोलीले आज विहान तीन बजे उद्धार गरि शवहरु जिल्ला अस्पताल पुर्याइएको डिएसपी विष्टले बताए । ट्रक सडकबाट झण्डै १२० मिटर तल खोल्सामा खसेको थियो ।
प्रतिक्रिया