नेपालगन्ज । नेपाल कम्युनिष्ट पार्टी(नेकपा)का युवा नेता हिमाल शर्माले समाजवादको लक्ष्य प्रातिका लागि एकीकृत र मजबुद एकता सहितको नेकपा आवश्यक रहेको बताएका छन् ।
आइतबार कोहलपुरमा भएको नेकपा निकट युवा विद्यार्थीहरुसँगको संक्षिप्त भेटघाटमा बोल्दै युवा नेता शर्माले पार्टी भित्रको संघर्ष पदको नभएर विचारको भएको दाबी गरे ।
शर्माले स्थायी कमिटी र केन्द्रीय कमिटीले ति विवादको सही निरुपण गर्ने दाबी गर्दै पार्टी एकता गरिएको लिखित सहमति र पार्टीको अन्तरिम विधान अनुसार हिँड्न सबै तहका नेता कार्यक्रता राजी हुनपर्ने बताए । नेकपा फुट कसैका लागि सहज नभएको शर्माको भनाइ थियो ।
कार्यक्रममा अखिल क्रान्तिकारीका पुर्व अध्यक्ष एंव नेकपाका नेता रमेश मल्लले सबै नेता कार्यकर्ता परिवर्तन र अग्रगमनका पक्षमा रहेकाले सम्पुर्ण विवाद समाधान हुने धारणा राखे ।
भेटका क्रममा नेकपाका केन्द्रीय सदस्य महेश्वर गहतराज अथक, अखिल क्रान्तिकारीका पुर्व अध्यक्ष तथा नेकपा प्रदेश कमिटी सदस्य नरेन्द्र न्यौपाने, नेकपा जिल्ला कार्यालय सदस्य अब्दुल हुसेन खाँलगायतको उपस्थिति रहेको थियो ।
प्रतिक्रिया