बुटवल । रुपन्देही प्रहरीले विगत ३ दिनदेखि लगातार अवैध गोरु नियन्त्रणमा लिँदै आएको छ । प्रहरीले आजमात्र रुपन्देहीको केहि नाकाबाट भारत निकासी गर्न लागिएको अवस्थामा पटक पटक गरी ५५ वटा गोरु, गोरू निकासीका लागि प्रयोग भएको ट्रक र ट्रकको चालक र सहचालकलाई नियन्त्रणमा लिएको छ ।
प्रहरीका अनुसार रुपन्देही देवदह नगरपालिका ११ शंकरपुरमा प्रहरी टोलीले चेकजाँच गर्ने क्रममा ना.६ख.३८६१ नम्बरको ट्रकमा अबैध रुपमा नेपाल बाट भारत तर्फ लैजाँदै गरेको २७ गोटा गोरु, ट्रक चालक र सहचालक समेतलाई नियन्त्रणमा लिएको छ । आजै रुपन्देही लुम्बिनी सांस्कृतिक नगरपालिका वडा नम्बर ५ लोखडियामा पश्चिमबाट पुर्वतर्फ अबैध रुपमा लैजादै गरेको लु १ ख ९८९५नम्बरको ट्रकमा २८ गोटा गोरुसहित ट्रक, त्यसको चालक र सहचालकलाई प्रहरीले नियन्त्रणमा लिएको छ ।
पक्राउ परेका चालक र सहचालकसहित ट्रक तथा नियन्त्रणमा लिईएको गोरुलाई थप कारवाही तथा अनुसन्धानका लागि पशु क्वारेन्टाईन चेक पोष्ट बेलहिया भैरहवा रुपन्देही पठाइएको प्रहरीले जनाएको छ ।
प्रतिक्रिया