कैलाली र कञ्चनपुरका २ जना कोरोना संक्रमितको बाँकेमा मृत्यु

नेपालगन्ज । बाँकेमा उपचार गर्न आएका कैलाली र कञ्चनपुरका १-१ जना कोरोना संक्रमितको उपचारका क्रममा मृत्यु भएको छ । उपचारका लागि बाँके नेपालगन्ज मेडिकल कलेजमा उपचाररत २ जनाको फरक फरक समयमा गयराती मृत्यु भएको हो ।

जिल्ला कोभिड संकट ब्यवस्थापन केन्द्र बाँकेका अनुसार मंसिर १८ गते देखि उपचाररत बेलौरी ९ कञ्चनपुरका ४५ वर्षीय पुरुषको गयराती ९ः४५ बजे मृत्यु भएको हो । उनलाई रेम्डिशिवीर, प्लाज्मा सहित अक्सिजनको बिधिबाट उपचार भएपनि बचाउन नसकिएको कोरोना फोकलपर्शन तेज ओलीले बताए ।

त्यसैगरि कैलालीबाट मंसिर २० गते्बाट मेडिकल कलेजमा उपचाररत जमुनी २ कैलालीका ६७ वर्षीय पुरुषको बिहान ८ः४५ बजे मृत्यु भएको ओलीले बताए ।

आज मृत्यु भएसंगै बाँकेमा बाहिरी जिल्लाबाट उपचारका लागि आएका मध्य ६६ जनाको मृत्यु भएको छ ।