काठमाडौं । नेपालमा पछिल्ला केही दिनयता कोरोना भाइरसका संक्रमितको संख्या दिनदिनै घटिरहेको छ ।
पीसीआर परीक्षणमा कमीभएसँगै संक्रमितको संख्या पनि निरन्तर घट्दो क्रममा छ । शनिबार संक्रमणको संख्या ३ अंकमा झरेको छ ।
स्वास्थ्य तथा जनसंख्या मन्त्रालयले शनिबार अपरान्ह गरेको अपडेट अनुसार ८९९ जनामा संक्रमण पुष्टि भएको हो । यससँगै हालसम्म देशभर २ लाख ४७ हजार ५९३ जनालाई संक्रमण भएको मन्त्रालयले जनाएको छ ।
पछिल्लो २४ घण्टामा १ हजार ३५९ जना संक्रमित संक्रमणमुक्त भएका छन् । देशभर २ लाख ३४ हजार २३१ जना निको भैसकेका छन् ।
शनिबार कोरोना संक्रमणबाट मृत्यु हुनेको संख्या १५ पुगेसँगै कुल मृतकको संख्या १ हजार ६८९ पुगेको छ ।
११ हजार ६७३ जना सक्रिय संक्रमित आइसोलेसनमा रहेको मन्त्रालयले जनाएको छ ।
प्रतिक्रिया