काठमाडौं । प्रतिष्ठित व्यवसायिक घराना गोल्यान समूहअन्तर्गतको ‘माटो ब्राण्ड’ले उपत्यकाका दुई ठाउँमा बिक्री केन्द्र संचालनमा ल्याएको छ ।
देशका विभिन्न ठाउँबाट अर्गानिक फलफूल र तरकारी उपलब्ध गराउँदै आएको माटो ब्राण्डले काठमाडौंको बुडानिलकण्ठ र ललितपुरको कुपण्डोलमा बिक्री केन्द संचालनमा ल्याई विक्री गर्न थालेको हो ।
यस्तै ‘माटो ब्राण्ड’ले उपत्यकाका विभिन्न मुख्य चोकमा भ्यानमार्फत तरकारी तथा फलफूल बिक्री गर्दै आइरहेको छ भने भाटभटेनी सुपरमार्केट, सेल्सवेरी र विगमार्टमा समेत माटोले आफ्ना उत्पादनहरु उपलब्ध गराउँदै आइरहेको छ ।
विगत २ वर्षदेखि अर्गानिक कृषिजन्य उत्पादनलाई हरेक नेपालीको भान्सासम्म पुर्याउने उद्देश्यका अगाडी बढेको माटोले आफ्नै बिक्री केन्द्रमार्फत सेवा सुरु गरेको बताएको छ ।
यस्तै गोल्यान समूहले झापामा दुई सय बिघा जमिनमा व्यवसायिक कृषि फार्मको स्थापना गरेको छ जहाँबाट अर्गानिक कृषि उत्पादन गरि विदेशमा समेत निर्यात गर्दै आएको छ ।
प्रतिक्रिया